Shavkat Mirziyoyev o‘z saylovoldi dasturida 5 ta asosiy yo‘nalishga e’tibor qaratishini ma’lum qildi
Toshkent shahridagi Congress Hall majmuasida Tadbirkorlar va ishbilarmonlar harakati – O‘zbekiston Liberal-demokratik partiyasining o‘n birinchi s’yezdi boshlandi.

Foto: Prezident matbuot xizmati
Unda Qoraqalpog‘iston Respublikasi, viloyatlar va Toshkent shahridan delegatlar qatnashmoqda. S’yezdda prezidentlikka nomzod Shavkat Mirziyoyev nutq so‘zlamoqda.
Tadbirda Shavkat Mirziyoyev o‘zining saylovoldi dasturi bilan tanishtirmoqda. U beshta strategik maqsaddan iborat.
Birinchisi — ta’lim, ya’ni har bir insonga o‘z salohiyatini ro‘yobga chiqarish uchun munosib sharoit yaratish.
Eng avvalo, 2030 yilga qadar maktabgacha ta’limga bo‘lgan ehtiyoj to‘liq qoplanadi va qamrov 100 foizga yetkaziladi. Bog‘cha va maktablar filtrlangan ichimlik suvi bilan to‘liq ta’minlanadi. Kelgusi 7 yilda maktablarda qo‘shimcha 2,5 million o‘quvchi o‘rni yaratish zarur. Shu maqsadda, «Yiliga 500 ming o‘quvchi o‘rni» dasturi amalga oshiriladi.
Xususiy ta’limga qo‘shimcha yengilliklar beriladi. Davlat-xususiy sheriklik asosida maktablar qurish keng joriy etiladi. Boshlang‘ich sinf o‘quvchilari ta’lim planshetlari bilan to‘liq ta’minlanadi.
Chekka hududlarda maktab avtobuslari bepul yo‘lga qo‘yiladi. Kelgusi yetti yilda barcha maktablarga chet ellardan «til egalari» bo‘lgan o‘qituvchilar olib kelinadi.
Mavzuga oid

08:59 / 26.04.2025
Rossiyada IIV migrant bolalarning ta’lim ma’lumotlariga ega bo‘ladi

11:38 / 25.04.2025
“Oyog‘i kuygan 1,5 yashar qizcha ishi”: Popdagi bog‘cha noqonuniy tashkil etilgani ma’lum bo‘ldi

16:51 / 24.04.2025
Toshkentda kamera yo‘q xonada bolani urgan bog‘cha xodimi ishdan olindi

15:31 / 24.04.2025