Og‘irligi 5 tonnadan ortiq bo‘lgan yuk mashinalarining madaniy meros obekti bor ko‘chalarga kirishi taqiqlandi

Vazirlar Mahkamasining «Sanitariya jihatidan tozalash infratuzilmasi obektlarini joylashtirish va ulardan foydalanish hamda maishiy chiqindilar bilan bog‘liq ishlarni amalga oshirish qoidalariga madaniy meros obektlarini muhofaza qilishni kuchaytirishga yo‘naltirilgan o‘zgartirish va qo‘shimchalar kiritish haqida»gi qaroriga asosan tarixiy-madaniy meros obektlari joylashgan ko‘chalarga og‘irligi 5 tonnadan ortiq bo‘lgan yuk mashinalari qo‘yilmaydi.

Moddiy-madaniy meros ko‘chmas mulk obektlari hududida qattiq maishiy chiqindilarni vaqtinchalik to‘plash va saqlash joylari binolar fasadining transport hamda piyoda tranzit kommunikatsiyasi ko‘rinmaydigan zonasida tashkil etiladi.

Bunda, chiqindi tashish maxsus avtotransport vositalarining mazkur obektlarga shikast yetkazmaslik choralari ko‘riladi.