Qoʻshimcha funksionallar
-
Tungi ko‘rinish
O‘zbekistondan Ukrainaga insonparvarlik yordami yuborildi
Kiyim-kechak va tibbiy mahsulotlar Lviv oblastiga yetkazilgan.
Foto: Facebook / Mykola Doroshenko
18 avgust kuni Ukraina-O‘zbekiston xalqaro do‘stligi jamiyati raisi Lyubomir Bashinskiy O‘zbekistondagi nodavlat notijorat tashkilotlari va biznes vakillari tomonidan yig‘ilgan 10,5 tonna gumanitar yukni qabul qilib oldi. Bu haqda Ukrainaning Toshkentdagi elchisi Nikolay Doroshenko xabar berdi.
Ukrainaga jami 785 844 grivna (21,3 ming dollar) qiymatga ega qishki, sport, ayollar va bolalar poyabzallari, bolalar uchun trikotaj mahsulotlari jo‘natilgan. Shuningdek, jami 157 771 grivna (taxminan 4280 dollar) qiymatga ega tibbiy shprits, tibbiy paxta va infuzion tizimlar yuborilgan.
Insonparvarlik yordami allaqachon Lviv viloyatining Drohobich tumani ma’muriyati, Ijtimoiy siyosat boshqarmasi va Lviv viloyati maxsus tibbiy yordam bo‘yicha kengashiga berilgani aytilmoqda.
«Bunday insonparvarlik aksiyasi ishtirokchilariga samimiy minnatdorchiligimni va amalga oshirilgan ishlar uchun janob Bashinskiyga alohida minnatdorchilik bildiraman», deb yozdi elchi Nikolay Doroshenko.
Mavzuga oid
21:23 / 27.04.2025
AQSh davlat kotibi kelasi hafta Rossiya-Ukraina urushi bo‘yicha muzokaralar uchun «nihoyatda muhim» bo‘lishini aytdi
18:17 / 27.04.2025
Rossiya dengiz piyodalari va Z-blogerlar Kursk oblastida hamon ukrain harbiylari borligini xabar qildi
10:16 / 27.04.2025
Rossiya Bosh shtabi Kursk oblasti to‘la ozod etilgani haqida hisobot berdi
15:38 / 26.04.2025