Qoʻshimcha funksionallar
-
Tungi ko‘rinish
2023 yilda AQSh chegarasini 50 ming markaziy osiyolik noqonuniy kesib o‘tgani aytildi
Ular orasida o‘zbekistonliklar ham bor. Jumladan, 17 ming vatandosh boshpana so‘rovlarini ko‘rib chiquvchi sud jarayonini kutmoqda.
Foto: Getty Images
AQSh Montana shtati senatori Stiv Deyns matbuot anjumanida «yuqori martabali amaldor»ga tayanib, 2023 yilda Markaziy Osiyodan kelgan 50 mingdan ortiq odam AQSh chegarasini noqonuniy kesib o‘tganini aytdi. Bu haqda Daily Mail yozdi.
Deyns so‘zlariga ko‘ra, rasmiylar noqonuniy migrantlar oqimidan xavotirda va ular Qo‘shma Shtatlarga xavf tug‘dirishi mumkin.
AQShda boshpana so‘rovlarini ko‘rib chiqish jarayonini kuzatuvchi TRAC notijorat tashkiloti ma’lumotlariga ko‘ra, hozirda kamida 40 ming markaziy osiyolik bunday ishlar bo‘yicha sud jarayonini kutmoqda. Ulardan 17 ming nafari O‘zbekiston, 7 ming nafari Qirg‘iziston, 3 ming nafari Tojikiston, 2,7 ming nafari Qozog‘iston, 2 ming nafari Turkmaniston fuqarolaridir.
Stiv Deyns chegaradagi migrantlar inqirozi bo‘yicha AQSh prezidenti Jo Baydenga xat yozib, chora ko‘rishni so‘ragan. Daily Mail nashri keltirgan rasmiy ma’lumotlarga ko‘ra, u 2021 yilda hokimiyatga kelganidan beri 7,3 milliondan ortiq migrant AQSh chegarasini noqonuniy kesib o‘tgan.
Mavzuga oid
21:23 / 27.04.2025
AQSh davlat kotibi kelasi hafta Rossiya-Ukraina urushi bo‘yicha muzokaralar uchun «nihoyatda muhim» bo‘lishini aytdi
15:46 / 27.04.2025
AQSh ichki xavfsizlik vazirining sumkasini o‘g‘irlashga aloqador shaxs hibsga olindi
15:38 / 26.04.2025
Trampning yangi rejasi, Putinning sulhi, Kiyevning talablari - Geosiyosiy hafta tahlili
13:54 / 26.04.2025