Britaniya qiroli Charlz III o‘limi haqidagi feyk xabar ijtimoiy tarmoqlarda tarqaldi

75 yoshli monarx tirik va o‘z vazifalarini bajarishda davom etmoqda.

Bir qator ommaviy axborot vositalari Buyuk Britaniya qiroli Charlz III vafot etgani haqidagi xabarni tarqatdi. Jurnalistlar go‘yoki Bakinghem saroyidan olingan rasmiy hujjatning skrinshotini taqdim etishdi.

Keyinroq ommaviy axborot vositalari raddiya e’lon qildi. Ma’lum bo‘lishicha, 75 yoshli qirol tirik, soxta xabar esa kamida sakkiz soat avval ijtimoiy tarmoqlarda paydo bo‘lgan.

«Buyuk Britaniya qiroli Charlz III o‘z vazifalarini bajarishda va shaxsiy ishlari bilan shug‘ullanishda davom etayotganini tasdiqlashdan xursandmiz», deb Bakinghem saroyi xabarini keltirdi TASS.

Fevral oyi boshida Charlz III saraton kasalligidan aziyat chekayotgani haqida xabar berilgan edi.

Keyinchalik ommaviy axborot vositalari Britaniya hukumati Charlz III o‘limiga tayyorgarlik ko‘ra boshlaganini bilib oldi. Bundan tashqari, qirolicha Kamilla saroyda yuzaga kelgan qiyinchiliklar tufayli Angliyani tark etishga qaror qilgani ma’lum bo‘ldi.

#Buyuk Britaniya #Charlz III