Qoʻshimcha funksionallar
-
Tungi ko‘rinish
Samarqandda o‘gay o‘g‘lini kamar bilan savalagan otaga jinoyat ishi qo‘zg‘atildi
Unga nisbatan Jinoyat kodeksining 110-moddasi 2-qismi "a" bandi bilan jinoyat ishi qo‘zg‘atilgan. Hozirda dastlabki tergov harakatlari olib borilmoqda.
Foto: Videodan kadr
Avvalroq, Samarqand viloyati Toyloq tumani Sochak qishlog‘ida yashovchi erkak 6 yoshli o‘gay o‘g‘lini kamar bilan savalagani haqida xabar bergandik.
Hodisa 2024 yil 23 iyun kuni sodir bo‘lgan. 24 iyun kuni Toyloq tuman IIB tomonidan tergovga qadar tekshiruv harakatlari boshlangan.
Erkak Toyloq tumani tibbiyot birlashmasi tibbiy ko‘rigidan o‘tkazilganda, uning ruhiyatida o‘zgarishlar borligi aniqlanib, Samarqand viloyati ruhiy kasalliklar shifoxonasiga yotqizilgan. Uning holati yuzasidan sud-psixiatrik ekspertiza tayinlangan.
Bolalar ombudsmanining xabar berishicha, 28 iyun kuni Toyloq tumanida bolaga nisbatan zo‘ravonlik qilgan shaxsga nisbatan Jinoyat kodeksining 110-moddasi 2-qismi "a" bandi (voyaga yetmagan shaxsni qiynash) bilan jinoyat ishi qo‘zg‘atilgan. Hozirda dastlabki tergov harakatlari olib borilmoqda.
“Bolaga nisbatan bu kabi zo‘ravonlikka yo‘l qo‘yganlar kim bo‘lishidan qat’i nazar tegishli javobgarlikka tortilishi shart. Bola davlat va qonun himoyasida”, deyiladi xabarda.
Ma’lumot uchun, Jinoyat kodeksining 110-moddasi 2-qismida besh yilgacha ozodlikdan mahrum etish jazosi berish belgilangan.
Mavzuga oid
23:22 / 25.04.2025
Samarqandda o‘quvchiga tashlanib, unga tazyiq o‘tkazgan o‘qituvchi ishdan olindi
11:58 / 25.04.2025
“Efirda uzilish va qotish bo‘lgan” – Samarqand va Andijondagi attestatsiya jarayonlari yuzasidan munosabat bildirildi
11:17 / 25.04.2025
Samarqandda piyodalar yo‘lakchasidagi hodisa oqibatida bir kishi vafot etgan
10:29 / 25.04.2025