Qoʻshimcha funksionallar
-
Tungi ko‘rinish
XKSda qolgan astronavt keskin vazn yo‘qotmoqda
Kosmik kemadagi nosozlik tufayli Yerga qayta olmagan Sunita Uilyams hozir Xalqaro kosmik stansiyada. U juda ozib ketgan. NASA shifokorlari esa bundan xavotirda.

Foto: AFP / Getty Images
AQSh Milliy kosmik agentligi (NASA) shifokorlari Boeing kompaniyasining Starliner kemasi nosozligi sababli Xalqaro kosmik stansiyada (XKS) 2025 yil fevraligacha qolishga majbur bo‘layotgan astronavt Sunita Uilyamsning vaznini oshirishga yordam berishga urinmoqda.
New York Post manbasiga ko‘ra, Sunita iyun oyida stansiyaga kelganidan beri ancha ozib ketgan.
So‘nggi olingan suratlarda u ozg‘in va holdan toygan, “yonoqlari ichiga botib ketgan” holda ko‘rinadi, deb ta’kidlaydi nashr. “U juda ozib ketdi, faqat terisi va suyaklari qolgan”, — dedi NASA xodimlaridan biri.
Uning aytishicha, birinchi o‘rinda shifokorlar Uilyamsning vazn yo‘qotishini barqarorlashtirishga yordam berishi, so‘ngra qulay sharoit yuzaga kelganda, bu jarayonni orqaga qaytarish mumkin bo‘ladi.
NASA shifokorlari Uilyams bilan ishlashni taxminan bir oy oldin — fotosuratlar e’lon qilinishidan avval boshlagan, deyiladi NYP xabarida.
Metabolizm o‘zgarishi sababli astronavtlar oddiy insonlarga nisbatan ikki barobar ko‘p kaloriya iste’mol qiladi: faqatgina o‘z vaznini saqlab turish uchun ularga kuniga taxminan 4 ming kilokaloriya kerak. Shifokorlarning aytishicha, Uilyamsga hozir 5 ming kilokaloriya zarur. Bundan tashqari, vaznsizlik sharoitida mushak massasi va suyak zichligini saqlab qolish uchun muntazam ravishda jismoniy mashqlar bilan shug‘ullanish talab etiladi.
NASA tadqiqotlariga ko‘ra, kosmik sayohatlarning oqibatlari ayollar uchun “yanada og‘irroq” bo‘ladi, chunki ular erkaklarga qaraganda tezroq mushaklarini yo‘qotadi.
Uilyams va uning hamkasbi Barri Uilmor 2024 yil 5 iyunda Boeing Starliner kompaniyasining birinchi kosmik kemasida Xalqaro kosmik stansiyaga uchib ketgandi. Ular XKSda bir hafta qolishi rejalashtirilgan edi, biroq nosoz qismlar va geliy sizib chiqishi sababli kemani stansiyadan uzish bir necha marta kechiktirildi.
6 sentabr kuni Starliner Yerga ekipajsiz qaytdi, astronavtlar XKSda qoldi. Ular 2025 yil fevral oyida Dragon kosmik kemasida SpaceX Crew-9 missiyasining boshqa ikki ekipaji bilan ortga qaytishi kerak.
Tavsiya etamiz
Germaniyaga ishga yuborish bilan bog‘liq firibgarlik holati aniqlandi
Jamiyat | 15:33 / 23.07.2025
O‘zbekistonda iPhone narxlari qimmatlashdi. Nega?
Iqtisodiyot | 21:38 / 22.07.2025
Toshkentda bemorga shilqimlik qilgan shifokor 5 sutkaga qamaldi
Jamiyat | 15:28 / 22.07.2025
Tarkibida kuchli ta’sir qiluvchi moddalar bo‘lgan ozdiruvchi qahvalar savdosiga chek qo‘yildi
Jamiyat | 09:27 / 22.07.2025
So‘nggi yangiliklar
-
Maldiv – halol dam olish uchun ideal tanlov
Jamiyat | 19:00 / 25.07.2025
-
O‘rmon yong‘inlari havo isiyotgani bilan bog‘liqmi? Ularning oldini olish choralari mavjudmi?
O‘zbekiston | 16:43
-
Yozning jazirama kunlarida ayollar terisini qanday parvarish qilish kerak?
Ayollar dunyosi | 16:35
-
Yakkasaroy tumanidagi yong‘inda yettita archa daraxti yonib ketdi
O‘zbekiston | 15:11
Mavzuga oid

18:13 / 05.07.2025
Astronavt koinotdan Yer ustidagi ulkan spraytni ko‘rsatdi

21:52 / 04.07.2025
Boeing 2,8 mlrd dollar evaziga Pentagonga ikkita sun’iy yo‘ldosh yetkazib beradi

17:22 / 03.07.2025
NASA Quyosh tizimida «chaqirilmagan mehmon» paydo bo‘lganini aniqladi

17:55 / 30.06.2025