Los-Anjelesda yonib ketgan kvartallar, mashhurlar va millionerlarning uylari - vertolyotdan olingan fotolar

Los-Anjelesda bir haftadan buyon yong‘inlar davom etmoqda va minglab binolarni yo‘q qilmoqda. O‘t o‘chiruvchilar bir vaqtning o‘zida bir necha yong‘in o‘choqlarida tarqalgan olovni to‘xtata olmayapti, kuchli shamol yong‘in tarqalishini osonlashtirmoqda. Malibu va Santa-Monika o‘rtasidagi shimolroqda joylashgan Pasifik-Paliseyds ofatdan eng ko‘p jabr ko‘rgan. Bu tinch hudud — ko‘plab taniqli shaxslar yashaydigan joy hisoblanadi. Yulduzlar evakuatsiya qilishga majbur bo‘lgan, ko‘pchilik millionlab dollarga baholangan uylaridan ayrilgan.