TikTok egasi Xitoyning eng boy odamlari reytingida birinchi o‘rinni egalladi

TikTok servisiga egalik qiluvchi ByteDance kompaniyasining asoschisi 41 yoshli Chjan Imin Xitoyning eng boy odamlari reytingida birinchi o‘rinni egalladi. Bloomberg milliarderlar indeksi biznesmenning boyligini 57,5 milliard dollarga baholagan.

Reytingda ikkinchi pog‘ona 56,6 milliard dollar bilan Tencent telekommunikatsiya kompaniyasi asoschisi Ma Xuatenga nasib etgan. Tencent Xitoydagi eng mashhur messenjer — 1,3 milliard kishi foydalanadigan WeChat’ga egalik qiladi.

Kuchli uchlikdan, shuningdek, Nongfu brendi ostida ichimlik suv ishlab chiqaradigan kompaniya egasi 70 yoshli Chjun Shanshan o‘rin oldi. Uning boyligi 54,1 milliard dollarga baholangan.

Osiyodagi eng badavlat inson Mukesh Ambanining moliyaviy aktivlari biznesdagi muammolari sabab 90,9 milliard dollargacha qisqargan. 2024 yilda uning boyligi 120 milliard dollardan oshgandi. Hozir u 17-o‘rinni egallamoqda.

Sayyoraning eng boy insonlari reytingiga Ilon Mask boshchilik qilmoqda (336 milliard dollar). Eslatib o‘tamiz, o‘tgan yilning dekabrida The Guardian amerikalik tadbirkor Ilon Mask 2027 yilga borib dunyodagi birinchi dollardagi trillionerga aylanishi mumkinligi haqida yozgandi.