Qoʻshimcha funksionallar
-
Tungi ko‘rinish
Biologik faol qo‘shimchalarni bojsiz olib kirish cheklanadi
Jismoniy shaxslar oziq-ovqat qo‘shimchalarini bojxona to‘lovlarisiz olib kirishi mumkin bo‘lgan miqdor belgilandi. Shu paytgacha hech qanday cheklovlar yo‘q edi.

Foto: Getty images
2025 yil 20 iyuldan boshlab O‘zbekistonda jismoniy shaxslar tomonidan shaxsiy ehtiyoj uchun biologik faol qo‘shimchalarni (BAD) bojsiz olib kirish qoidalari joriy etiladi. Bu Vazirlar Mahkamasi qarorida nazarda tutilgan.
Hujjatga ko‘ra, jismoniy shaxslar oziq-ovqat qo‘shimchalarini quyidagi miqdorda bojxona to‘lovlarisiz olib kirishi mumkin bo‘ladi (shu paytgacha hech qanday cheklovlar yo‘q edi):
- suyuq holatda va sirop shaklida — 10 donagacha flakonda;
- kukun holatida — 0,5 kilogrammgacha;
- tabletka — 100 donagacha;
- kapsula — 100 donagacha yoki 4 donagacha PeT idishlarda;
- quritilgan holatda (o‘simlik guli, tana qismi va ildizi) — 0,5 kilogrammgacha.
Bundan tashqari, ba’zi tovarlarni bojsiz olib kirish qoidalari ham o‘zgartirildi.
Xususan, spirtli ichimliklar uchun miqdor bir xil — 2 litrgacha bo‘lib qoladi. Tamaki mahsulotlari uchun umumiy chegara 10 ta paket o‘rniga quyidagi aniq normalar joriy etiladi:
- sigaretalar — 200 donagacha;
- sigaralar — 5 donagacha;
- tamaki — 100 grammgacha.
Atir va ifor tarqatuvchi suvlar esa endi har biri 300 ml gacha bo‘lgan 3 dona idishni olib kirishga ruxsat beriladi (ilgari hajmini ko‘rsatmasdan 3 donagacha edi).
Bundan tashqari, 21 yoshgacha bo‘lgan shaxslar uchun alkogol va tamaki mahsulotlarini, shuningdek, xalqaro pochta va kurerlik jo‘natmalari orqali olib kirishni taqiqlash joriy etilmoqda.
Agar bojxona to‘lovisiz limit oshib ketganida notijorat maqsadida olib kirilgan tovarlarga quyidagi bojxona to‘lovlari tatbiq etiladi:
Notijorat importi uchun boj olinmaydigan limitlar oshib ketgan taqdirda:
- alkogol va tamaki mahsulotlari uchun yagona bojxona to‘lovi ikki baravar miqdorda (60 foiz);
- atir va ifor tarqatuvchi suvlar uchun yagona bojxona to‘lovi bir baravar miqdorda (30 foiz).
Tavsiya etamiz
Germaniyaga ishga yuborish bilan bog‘liq firibgarlik holati aniqlandi
Jamiyat | 15:33 / 23.07.2025
O‘zbekistonda iPhone narxlari qimmatlashdi. Nega?
Iqtisodiyot | 21:38 / 22.07.2025
Toshkentda bemorga shilqimlik qilgan shifokor 5 sutkaga qamaldi
Jamiyat | 15:28 / 22.07.2025
Tarkibida kuchli ta’sir qiluvchi moddalar bo‘lgan ozdiruvchi qahvalar savdosiga chek qo‘yildi
Jamiyat | 09:27 / 22.07.2025
So‘nggi yangiliklar
-
Maldiv – halol dam olish uchun ideal tanlov
Jamiyat | 19:00 / 25.07.2025
-
Yakkasaroy tumanidagi yong‘inda yettita archa daraxti yonib ketdi
O‘zbekiston | 15:11
-
Porscheʼning avtobiznesdan foydasi ikkinchi chorakda 91 foizga kamaydi
Avto | 15:07
-
Bitiruvchilarni texnikumga qabul qilish muddati 10 avgustga qadar uzaytirildi
Ta’lim | 14:55
Mavzuga oid

18:38 / 17.04.2024
«Rinotin kids» biologik faol qo‘shimchasiga berilgan ruxsatnoma bekor qilindi

21:57 / 16.04.2024
«Rinotin kids» bo‘yicha o‘rganish ishlari olib borilmoqda - Sanepidqo‘mita

14:05 / 31.07.2018
Davlat boji stavkalariga o‘zgartirish va qo‘shimchalar kiritish rejalashtirilmoqda

16:34 / 24.07.2018