Turkiya Putin va Zelenskiy tayyor bo‘lsa, ularni qabul qilishga tayyor

Turkiya Rossiya va Ukraina prezidentlari Vladimir Putin va Volodimir Zelenskiy muzokaralarga tayyor bo‘lsa, ularni o‘z hududida o‘tkazishga rozi, dedi Turkiya prezidenti Rajab Toyyib Erdo‘g‘an 15 may, payshanba kuni Anqarada Zelenskiy bilan uchrashuvdan so‘ng.

«Prezident Erdo‘g‘an Rossiya va Ukraina o‘rtasida muzokaralarni boshlash uchun tarixiy imkoniyat tug‘ilganini e’lon qilib, texnik va yetakchilar darajasidagi muzokaralarni kuchli qo‘llab-quvvatlashini bildirdi», — deya xabar bermoqda Anadolu agentligi. Erdo‘g‘an Ukraina atrofidagi mojaro hozirgi bosqichda to‘g‘ridan to‘g‘ri muzokaralar yo‘li bilan hal etishni talab qilishini alohida ta’kidladi va tomonlarni umumiy pozitsiyada kelishib olishga chaqirdi.

Anqarada Erdo‘g‘an va Zelenskiy o‘rtasidagi muzokaralar yopiq eshiklar ortida o‘tdi. Ularda Turkiya mudofaa vaziri Yasar Guler, Milliy razvedka boshqarmasi boshlig‘i Ibrohim Kalin, Turkiya prezidentining tashqi siyosat va xavfsizlik bo‘yicha maslahatchisi Akif Chagatay Qilich ishtirok etdi.

Ayni paytda Turkiyaning janubidagi Antaliya viloyatida Turkiya tashqi ishlar vaziri Hoqon Fidan va AQSh davlat kotibi Marko Rubio NATO tashqi ishlar vazirlari yig‘ilishida Ukraina va Rossiya o‘rtasidagi urushni to‘xtatish uchun to‘g‘ridan to‘g‘ri muzokaralarni osonlashtirishga qaratilgan sa’y-harakatlarni davom ettirishga kelishib oldi.