Qoʻshimcha funksionallar
-
Tungi ko‘rinish
DXX: Toshkentda sifatsiz dori vositalari to‘xtatib qolindi
DXXning Toshkent viloyati bo‘yicha boshqarmasi va boshqa huquq-tartibot idoralari hamkorligida tezkor tadbir o‘tkazildi.

Foto: DXX
Unda, Toshkent shahrida yashovchi fuqaro 72 000 dona tibbiy buyumlarni 111 mln so‘mga sotishga kelishib, oldindan 30 mln so‘m olgan vaqtida ushlandi.
Tezkor tadbir davom ettirilib, ushbu shaxsning yashash xonadoni va avtotransport vositasini ko‘zdan kechirish jarayonida, jami 240 mln so‘mlik 29 xil nomdagi 72 389 dona tibbiy buyumlar va “Magnikum”, “Relok”, “Dizenteron” va boshqa shu kabi 867 quti dori va biologik aktiv qo‘shimchalar sotish maqsadida saqlanayotgani aniqlandi.
“Farmatsevtika mahsulotlari xavfsizligi markazi” davlat muassasasining tegishli xulosasiga ko‘ra, mazkur dori vositalari sifatsiz va saqlash sharoitiga amal qilinmagan bo‘lib, sotish, tashish va tibbiyot amaliyotida qo‘llash taqiqlanadi.
Hozirda mazkur fuqaroga nisbatan jinoyat ishi qo‘zg‘atilib, tergov harakatlari olib borilmoqda.
Mavzuga oid

10:14 / 29.07.2025
Namanganda Qurilish sohasida nazorat inspeksiyasi bosh mutaxassisi ushlandi

15:47 / 24.07.2025
Misr O‘zbekistonda dorilar ishlab chiqarishni mahalliylashtiradi

14:39 / 24.07.2025
Mubashshir Ahmadga nisbatan ochilgan jinoyat ishi sudga oshirildi

13:46 / 24.07.2025