Роналдиньо «Барселона»ни 2008 йилда нега тарк этганини айтди

«Барселона» собиқ ҳужумчиси Роналдиньонинг маълум қилишича, Каталония клубидан 2008 йилда кетиши бош мураббий лавозимига Хосеп Гвардиоланинг тайинланиши билан боғлиқ бўлмаган.

«Мен ҳамма нарсага эришиб бўлганим ва янги чақириққа муҳтожлигим сабаб клубни тарк этишга қарор қилдим. Гвардиола билан муносабатларимиз яхши эди. Менинг футболга бўлган қизиқишим сўнгани нотўғри. „Барса“дан кейин ҳам ғалаба қозонишда давом этдим. „Атлетико Минейро“ билан Либертадорес кубоги, „Фламенго“да етти ойлик мағлубиятсиз серия, „Керетаро“ билан Мексика кубогидаги ғалаба. Мен ҳеч нарсадан афсусда эмасман», - дея Роналдиньонинг сўзларини келтиради Marca.