Қўшимча функционаллар
-
Тунги кўриниш
Покистонда жангарилар университетга ҳужум қилди
Фото: Reuters
Покистоннинг Пешовар шаҳридаги қишлоқ хўжалиги университети кампусига уч нафар қуролланган номаълум шахс ҳужум уюштирди, камида 11 киши жабрланди, деб хабар бермоқда Geo TV телеканали маҳаллий манбаларга таянган ҳолда.
Унинг маълумотларига кўра, ҳужум қилган ниқобли шахслар кампус ҳудудига кириб келган ва талабаларга қарата тартибсиз равишда ўт очган.
Маҳаллий Dawn газетасининг ёзишича, ҳужум қилган шахслар ётоқхона ҳудудига ҳам кириб олишнинг уддасидан чиқишган. Шу билан бирга нашрнинг таъкидлашича, ётоқхона ичида қанча талаба бор эканини аниқ айтиб бўлмаяпти.
Ҳодиса юз берганидан сўнг воқеа жойига полиция ва армия бўлинмалари етиб келди. Улар жангариларни йўқ қилгани айтилмоқда.
Таъкидланишича, 3 киши ҳужум қилган. Reuters тарқатган хабарга кўра, «Толибон» ҳаракати ҳужум учун масъулиятни ўз зиммасига олди.
Шаҳарнинг асосий қисми - Юниверсити Роуд – амалиёт вақтида ёпиб қўйилди.
Мавзуга оид
11:49
Покистонда оғир вазиятга тушиб қолган аёл Ўзбекистонга қайтарилди
18:41 / 18.07.2025
Ўзбекистон, Покистон ва Афғонистон ўртасида Трансафғон темир-йўли бўйича битим имзоланди
12:30 / 18.07.2025
Ўзбекистон ва Покистон Бобурийлар сулоласи тарихи бўйича қўшма тадқиқот ўтказади
10:56 / 12.07.2025