Марсело «Ювентус»га кетиши ҳақидаги хабарларга изоҳ берди

«Реал»нинг бразилиялик ҳимоячиси Марсело клубни тарк этиши ҳақидаги хабарларни инкор қилди.

Аввалроқ, Португалия матбуоти Марселонинг «Ювентус» билан 4 йиллик шартномани келишиб олгани ва 30 ёшли футболчи трансфери 45 миллион еврони ташкил қилиши ҳақида ёзган эди.

Марсело инстаграм саҳифасида «Реал» машғулотларидан олинган суратини жойлади ва: «Бу менинг уйим», деб ёзди.

Эслатиб ўтамиз, Марсело 2007 йилдан бери «Реал» шарафини ҳимоя қилмоқда. Бу мавсумда у асосий таркибдаги ўрнидан ажралди.