Самарқандда фуқаронинг юзига сирка сепиб юборган 22 ёшли шахс ушланди

Иллюстратив фото

Самарқандда фуқаронинг юзига сирка сепиб жароҳат етказган шахс ушланди. Бу ҳақда Ўзбекистон Республикаси ИИВ Жамоатчилик ва ОАВ билан алоқалар бошқармаси хабар бермоқда.

Қайд этилишича, 2019 йил 20 июль куни соат 20:00ларда Самарқанд туманида Паст Дарғом тумани Хончорбоғ МФЙда яшовчи 22 ёшли Ш.А. Обод турмуш МФЙ ҳудудида ўзаро жанжал туфайли Оқдарё маҳалласида яшовчи 33 ёшли С.Б.нинг юзига қўлида бўлган елим идишдаги сирка кимёвий аралашмасини сепиб юборган.

Натижада С.Б. куйиш жароҳатлари билан касалхонага ётқизилиб, Ш.А. ушланган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.

#Самарқанд #сирка