“Арвоҳ-шаҳар”га айланган Уханнинг ҳозирги манзаралари (видео)

Янги коронавирус тарқалиш ўчоғига айланган Хитойнинг Ухань шаҳрида 23 январдан карантин эълон қилинганди.

Фото: AFP/Getty Images

Шундан кейин 12 млнлик шаҳарда барча кўнгилочар тадбирлар тақиқланган, бозорлар ва одамлар тўпланиши мумкин бўлган жойлар ёпилган. Жамоат транспорти қатнови, темир йўл ва авиаалоқа тўхтатилган.

Шунингдек, Ухань марказида шахсий автомобиллардан фойдаланиш тақиқланган. Фақатгина такси ва захиралар ташувчи транспорт воситаларига ҳаракатланишга рухсат берилган.

Шаҳарнинг аксарият аҳолиси ўз уйларида қолмоқда ва вақти-вақти билангина озиқ-овқат ва ҳимоя ниқоблари учун кўчага чиқмоқда. Яқиндагина ҳаёт мавж ураётган ушбу мегаполис бўшаб қолган.

Ухандан кейин у билан қўшни 15 шаҳар ҳам карантинга ёпилганди. Умумий ҳисобда 45 млн киши изоляцияда қолмоқда.

“Арвоҳ-шаҳар”га айланган Уханнинг ҳозирги манзараларини дронлар ёрдамида олинган видеода кўриш мумкин.

{Yii::t(}

Ўтказиб юбориш 6s

Drone footage shows almost empty streets in typically bustling Wuhan, China, amid a citywide lockdown over the deadly coronavirus outbreak.

The viral outbreak has infected more than 20,600 people globally. https://t.co/K9g7lCir38 pic.twitter.com/ZctumKNM1Q
— ABC News (@ABC) February 4, 2020

Охирги маълумотларга кўра, Хитойда коронавируснинг янги тури туфайли келиб чиққан зотилжамдан вафот этганлар сони 722 нафарга етди, 34546 кишида касалланиш ҳолати қайд этилди.

#Ухань #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.