Украина ҳукумати мамлакатдаги карантин режимини 31 декабргача узайтирди

Мамлакат бош вазири карантин чекловларини коронавирус пандемиясига қарши "энг таъсирчан механизм" деб атади.

Фото: РИА Новости

Украина ҳукумати мамлакатда коронавирус пандемияси туфайли жорий этилган чеклов чораларини 31 декабргача узайтирди. Бу ҳақда бош вазир Денис Шмигаль маълум қилди.

"Ҳукумат адаптив карантиннинг амал қилиш муддатини йил охиригача узайтиради", - деди у.

У мазкур чорани коронавирус пандемиясига қарши нафақат Украина, балки бутун дунёдаги "энг таъсирчан механизм" деб атади.

Аввалроқ Украина 28 сентябрдан хорижликларнинг мамлакатга киришига қўйилган тақиқни бекор қилгани маълум қилинганди.

Охирги маълумотларга кўра, мамлакатда коронавирус юқтирганлар сони 270,5 мингдан ошган, 5100дан ортиқ киши вафот этган.

#Украина #карантин

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.