Қўшимча функционаллар
-
Тунги кўриниш
Намангандан Жалолободга автомобиллар қатнови йўлга қўйилиши маълум қилинди
Уч ой ичида Ўзбекистоннинг Наманган вилояти ва Қирғизистоннинг Жалолобод вилояти ўртасида автомобил қатнови йўлга қўйилади. Бу ҳақда Жалолобод вилояти губернатори бошчилигида Наманганга ташриф буюрган делегацияни расмий қабул қилиш маросими вақтида Қирғизистоннинг Ўзбекистондаги элчиси Ибрагим Жунусов маълум қилди.
Элчининг сўзларига кўра, у элчи бўлиб иш бошлаган пайтда 4та назорат-ўтказув пункти (КПП) ишлаган бўлса, ҳозирга келиб 8та пост фаолият юритмоқда. Икки давлат раҳбарлари учрашуви давомида барча 15та назорат-ўтказув пунктларини очиш бўйича топшириқ берилганини ҳам таъкидлади.
Элчининг айтишича, давлат раҳбарлари томонидан ўтказув пунктларидан ўтаётган фуқаро паспорт текшируви учун бир ярим дақиқадан ортиқ вақти кетмаслигини таъминлаш бўйича кўрсатма берилган.
Дипломат икки тарафлама ўтказиш пункти бўйича меъёрий талаблар ҳал этилгач, Жалолобод ва Наманган ўртасида автомобиллар қатнови йўлга қўйилишини ҳам маълум қилди.
Мавзуга оид
21:03 / 18.07.2025
Қирғизистонда Тожикистон ва Ўзбекистон билан туташ чегаралар тўғрисидаги шартнома ратификация қилинди
19:04 / 18.07.2025
«Хитой - Қирғизистон - Ўзбекистон» йўналиши бўйича биринчи юк поезди йўлга чиқди
09:22 / 18.07.2025
Қирғизистондан 5,2 млрд сўмлик тилла буюмларни ноқонуний олиб келган шахс ушланди
18:19 / 10.07.2025