Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 15:56 / 19.10.2022
    19119
    5 дақиқада ўқилади

    Асирликдан қайтган аёллар, Донбассда эвакуация. Уруш суратлари

    19 октябр куни Украинага босқиннинг янги қўмондони Сергей Суровикин Россия давлат нашрига илк интервьюсини берди — у оккупация қилинган Херсондаги россияликларга нисбатан «нооддий қарорлар» қўлланиши мумкинлигидан огоҳлантирди. Кўплар унинг сўзларини шаҳарни Украина армиясига топшириш эҳтимоли сифатида баҳоламоқда. Аннексия қилинган Херсон области раҳбарияти эса барча хоҳловчиларга Украина зарбалари туфайли у ердан «таътилга кетиш»ни таклиф этмоқда. Зеленскийнинг офиси мамлакат энергетика инфратузилмалари мунтазам равишда зарбага учраётгани туфайли украинларни электр, сув ва иссиқлик ўчишига тайёр туришга чақирди. Украина Олий Радаси Ичкерияни Россия томонидан босиб олинган ҳудуд деб эълон қилди, Эстония эса Россияни терроризм ҳомийси бўлган мамлакат сифатида тан олди.

    Қуйида 18 октябр, урушнинг 237-кунида Украинанинг турли ҳудудларида олинган суратлар.

    Алмашув

    Озод этилган украин асирлари гуруҳи украинлар позициясидаги алмашув нуқтаси томон кетмоқда. Узоқроқда Z рамзлари акс этган юк машиналари кўринади, улар асирлар алмашинуви доирасида қайтарилган россиялик асирларни олиб кетган. 110 га 110 форматидаги алмашув ҳақида 17 октябр куниёқ маълум бўлганди, жараён доирасида асосан украин аёллари асирликдан қайтарилган.
    Ukrainian Coordinating Staff for the Treatment of Prisoners of War / Reuters / Scanpix / LETA
    Россияликлар асирлигидан қайтарилган аёллар Запорижжяга етиб келган автобусда йиғлашмоқда. Украина армияси сафида 50 минг атрофида аёллар ҳам хизмат қилади
    Dmytro Smolyenko / Укринформ / SIPA / Scanpix / LETA
    Россияликлар асирлигидан қайтган украиналик аёл Запорижжяда
    Dmytro Smolyenko / Укринформ / SIPA / Scanpix / LETA
    Россияликлар асирлигидан қайтган аёл Запорижжяга келгач, ҳарбий формадаги турмуш ўртоғи билан кўришмоқда
    Пресс-служба президента Украины / Reuters / Scanpix / LETA
    Россияликлар асирлигидан қайтарилган украин аёллари. Алмашув доирасида Россияга 80 нафар «фуқаролик хизматидаги денгизчи» ва «ДХР», «ЛХР» ҳамда Россиянинг бошқа регионларидан бўлган 30 нафар ҳарбий хизматчилар қайтарилган.
    Dmytro Smolyenko / Укринформ / SIPA / Scanpix / LETA

    Миколайив области ўққа тутилиши 

    Миколайивда россияликлар зарбасидан кейин топилган эркак жасади. 18 октябрга ўтар кечаси шаҳар яна C-300 ракеталари томонидан ўққа тутилди. Миколайив области ҳарбий маъмурияти раҳбари Виталий Кимнинг маълумотига кўра, Миколайивда ракета зарбалари гуллар бозори ва икки қаватли уй биносига келиб тушган. Бир киши ҳалок бўлган
    Valentyn Ogirenko / Reuters / Scanpix / LETA
    Миколайивлик киши ҳужум вақтида шикастланган бино яқинида. Унинг ёнида ҳудудда ишлаётган ўт ўчирувчилар каскаси
    Valentyn Ogirenko / Reuters / Scanpix / LETA
    Россияликлар зарбасидан шикастланган бино атрофида миколайивлик аёл қўлида итини кўтариб турибди. Миколайив мунтазам равишда ўққа тутилмоқда ва турар жойларга ҳам ракеталар келиб тушмоқда
    Valentyn Ogirenko / Reuters / Scanpix / LETA
    Миколайив области Лиман қишлоғида эски «Волга» автомобилида ўқлар изи. Орқа планда — шамол электр генераторлари. Миколайив областида Россия армияси иккита аҳоли яшаш манзилини ўз назоратида сақлаб турибди — Снигиревка ва Александровка. «Россияга қўшилиш бўйича референдумлар»дан олдин Украина ҳудудларидаги россияпараст маъмурлар Снигиревка ва Александровкани Херсон области таркибига «қўшиб қўйишган». Кейин бу аҳоли яшаш манзиллари Россия томонидан аннексия қилинган.
    Valentyn Ogirenko / Reuters / Scanpix / LETA

    Купянскда россияликлардан қолган қийноқ камералари 

    Харкив областида сентябр ойи ўрталарида озод этилган Купянск шаҳридаги полиция бўлимида деворга чизилган пропаганда граффитиси — унда совет байроғи кўтарган аёл ва россиялик ҳарбий акс этган. Бу маҳкама биносидан, маҳаллий расмийларга кўра, россиялик ҳарбийлар қамоқхона ва қийноқ камералари сифатида фойдаланган.
    Clodagh Kilcoyne / Reuters / Scanpix / LETA
    Россия ҳарбийларининг Купянскдаги қийноқ камерасидаги каравотлар 
    Clodagh Kilcoyne / Reuters / Scanpix / LETA

    Донбассдаги эвакуация 

    Лиман шаҳри атрофидаги Заречное қишлоғи кўчасида ётган россиялик аскар жасади. Россия армияси Лиман ва Заречное октябр ойи бошида ташлаб кетди. Аммо яқин атрофда ҳамон оғир жанглар давом этмоқда.
    Libkos / AP / Scanpix / LETA
    Украин кўнгиллилари ўз ҳаётларини хавф остига қўйиб, Заречноега келишмоқда ва кекса ёшли аёлни эвакуацияга кўндиришмоқда
    Libkos / AP / Scanpix / LETA
    Заречное қишлоғидан бўлган аёл ҳарбий ҳаракатлар ҳудудини тарк этмоқда
    Libkos / AP / Scanpix / LETA
    Кўнгилли кекса ёшли кишига уйини тарк этиб, хавфсиз жойга ўтишда ёрдам кўрсатмоқда
    Libkos / AP / Scanpix / LETA
    #Украина #уруш суратлари

    Россия-Украина уруши

    2022 йил 22 феврал куни Россия Украина чегарасидан ўтиб, қўшни мамлакатга бостириб кирди. Украина армияси жанг таклиф қилди.

    Мавзуга оид

    21:31 / 14.05.2025

    Истанбул музокаралари. Бу амалга ошадими? 15 майга белгиланган учрашув ҳақида ҳозиргача нималар маълум?

    21:25 / 14.05.2025

    Украинанинг Курск областига берган зарбаси оқибатида ўзбекистонлик ҳалок бўлди

    21:23 / 14.05.2025

    Германияда уч нафар украиналик ҳибсга олинди

    20:40 / 14.05.2025

    Трамп маъмуриятида Украинага нисбатан муносабат ўзгарди