Қўшимча функционаллар
-
Тунги кўриниш
Украиналик гроссмейстер ғирромлиги учун 3 йилга дисквалификация қилинди
Турнир вақтида у тез-тез ҳожатхонага чиқиб турган, кейинроқ у ерда мобил телефонлар топилган.
Фото: Reuters
Халқаро шахмат федерацияси (FIDE) Руминия терма жамоасида 2023 йилдан буён ўйнаб келаётган украиналик гроссмейстер Кирилл Шевченкони ғирромлиги учун уч йилга (1 йили шартли) дисквалификация қилди.
2024 йил октябрида Шевченко Испания жамоавий чемпионатидан четлатилди ва унга иккита мағлубият ёзилди. Шубҳалар гроссмейстернинг ҳожатхонага тез-тез бориб туриши сабабли пайдо бўлди. У ерда икки марта мобил телефонлар топилди, улардан бирида украиналикнинг дастхати бор эди. Шахматчининг ўзи аввалига барча айбловларни рад этди, бироқ кейинроқ телефондан фойдаланганини тан олди.
FIDE ахлоқ ва интизом бўйича комиссияси (EDC) қарорида Шевченконинг телефонни ҳожатхонага яшириб, Lichess платформасига кириш учун фойдалангани қайд этилган. Шу билан бирга, шахматчи ғирромлик қилганини ёки ҳаракатлари ўйинларга таъсир қилганини рад этади. Жазони енгиллаштирадиган омиллар сифатида Шевченко ҳуқуқбузарликни ўз вақтида тан олгани, пушаймон экани ва ўлдириш таҳдиди туфайли руҳий ҳолати ёмонлиги кўрсатилган.
Шевченко Украина чемпионатлари совриндори ва Украина терма жамоаси таркибида 2021 йилги Европа жамоавий чемпионати ғолиби.
Мавзуга оид
15:38 / 26.04.2025
Трампнинг янги режаси, Путиннинг сулҳи, Киевнинг талаблари — Геосиёсий ҳафта таҳлили
13:54 / 26.04.2025
Ғарбий соҳилдаги қувғинлар, Фаластин учун курашаётган Ҳарвард ва портлатилган рус генерали — кун дайжести
11:31 / 26.04.2025
Трамп ўтган жума Россия-Украина музокаралари учун яхши кун бўлганини айтди
19:59 / 25.04.2025