Қўшимча функционаллар
-
Тунги кўриниш
Сеул: Шимолий Корея Россияга яна 3000 аскар юборди
Пхенян Украинага қарши урушга қўшин юбормоқда, шунингдек, Россияни ракеталар, артиллерия ва ўқ-дорилар билан таъминламоқда, дея маълум қилди Сеул. Шимолий Кореянинг 11 минг аскаридан 4000 нафари аллақачон ҳалок бўлган ёки яраланган, деб ҳисоблайди Жанубий Корея.
Фото: Reuters
Шимолий Корея йил бошидан бери Москва томонидан урушда қатнашаётганларни кучайтириш учун Россияга яна 3000 аскар юборди. Бу ҳақда Жанубий Корея Бирлашган штаб бошлиқлари қўмитаси 27 март, пайшанба куни маълум қилди.
Россияга дастлаб юборилган Шимолий Кореянинг 11 минг аскаридан 4 минг нафари ҳалок бўлган ёки яраланган, деб ҳисоблайди Сеул. Бундан ташқари, Пхенян Москвани ракеталар, артиллерия ва ўқ-дорилар билан таъминлашда давом этмоқда. Ҳозирда Шимолий Корея Россияга «катта миқдордаги қисқа масофали баллистик ракеталар», шунингдек, граната отиш мосламалари ва бир нечта ракета тизимларини етказиб бергани аниқланди, дея қўшимча қилди Жанубий Корея. Фронтдаги вазиятга қараб, бу рақам ошиши мумкин, дея огоҳлантирди Сеул.
2024 йил октябр ойидан буён КХДР, Жанубий Корея, Украина ва АҚШ маълумотларига кўра, Россия Федерациясининг Украина билан чегарадош Курск областига 10 мингга яқин ҳарбий хизматчини жойлаштирган. Январ ойи охирида Американинг The New York Times газетаси ва Британиянинг Sky News телеканали Шимолий Корея қўшинлари йирик йўқотишлар туфайли фронт чизиғидан олиб чиқилгани ҳақида хабар берган эди.
Мавзуга оид
11:31 / 26.04.2025
Трамп ўтган жума Россия-Украина музокаралари учун яхши кун бўлганини айтди
00:41 / 26.04.2025
Россияда мигрантларнинг фарзандларини боғчага қабул қилишда қўшимча ҳужжатлар талаб этилиши мумкин
13:55 / 25.04.2025
Очликка рўпара бўлган Ғазо, санкциялардан халос бўлишга уринаётган Сурия ва Россиянинг Қирғизистонга таҳдиди — кун дайжести
12:04 / 25.04.2025