8 ёшли бола онасининг телефонидан 70 минг дона конфет буюртма қилди

АҚШнинг Кентукки штатида яшовчи бола онасининг телефони орқали Amazonʼдан 70 минг дона конфет буюртма қилди. Бу ҳақда иккинчи синфда ўқийдиган боланинг онаси Ҳолли ЛаФаверс Facebook’ка ёзиб қолдирди.

ЛаФаверс ўғли Лиамнинг харидидан бехабар бўлган ва уйи қанотида 30 қути Dum-Dums конфетлари пайдо бўлганидан ҳайратга тушган — уларнинг ҳар бирининг ичида 2340 дона конфет бўлади. Кутилмаган харид учун аёл 4,2 минг доллар тўлашга мажбур бўлган.

Amazon вакиллари вазиятни тушуниб, 30 қутидан саккизтасини қайтаришга рози бўлган. Қолганларини эса аёл мустақил равишда сотишга киришган. У қўшинлари ва дўстларига конфет сотиб олишни тавсия қилган.

Охир-оқибат ОАВда мазкур ҳолат ёритилиб, кўплаб муҳокамаларга сабаб бўлгач, Amazon конфетлар пулини тўлиқ қайтаришга рози бўлган.

«Бир ёки икки қути сотиб олиш таклифини билдирган ёки хабарни улашишга ёрдам берган барчага раҳмат», — деб ёзади аёл.

ЛаФаверс ва Лиам конфетларнинг бир қисмини маҳаллий муассасалар, жумладан, черков ва мактабга хайрия қилган. Amazon эса вазият ижобий ҳал бўлганидан мамнун эканини билдирган.