Қўшимча функционаллар
-
Тунги кўриниш
Самарқандда машинасида шер боласини олиб юрган шахс аниқланди
У Африка шери боласини дала ҳовлига яширишга уринган. Ҳозирда йиртқич вилоят кинология марказига жойлаштирилган.
Фото: Экология вазирлиги
Самарқанд туманида яшовчи фуқаро ноқонуний равишда шер боласини боқиб келгани аниқланди, деб хабар беради Экология, атроф-муҳитни муҳофаза қилиш ва иқлим ўзгариши вазирлиги.
Ижтимоий тармоқларда Самарқандда фуқаро ўз машинасида шер боласини олиб юргани тасвирланган видео тарқалди.
Қайд этилишича, Самарқанд вилоят Экология бошқармаси, вилоят прокуратураси ва ИИБ ходимларидан иборат ишчи гуруҳ томонидан тезкор тартибда ҳолат юзасидан ўрганиш ишлари олиб борилган.
Ўрганиш натижасида Самарқанд туманида яшовчи фуқаро Африка шери боласини туманнинг Оқбўйро маҳалласи ҳудудидаги дала ҳовлиларнинг бирига яширишга урингани аниқланган. Шер боласи дала ҳовлининг сим тўсиғига боғлаб кетилган ҳолда топилган. Унга биринчи ёрдам кўрсатилиб, вақтинча сақлаш учун вилоят кинология марказига олиб келинган ҳамда алоҳида парваришга олиниб, тиббий кўрикдан ўтказилган.
Айни пайтда ушбу қонунбузарлик юзасидан тегишли ҳужжатлар расмийлаштирилиб, вилоят прокуратураси томонидан ҳолатга ҳуқуқий баҳо берилмоқда.
Мавзуга оид
09:39
Самарқандда бўлиб ўтадиган халқаро фестивалда 7 тонна палов тайёрланади
14:09 / 28.07.2025
Самарқандда ноқонуний қурилган 12 қаватли машҳур бинони бузиш бошланди
15:48 / 14.07.2025
The Samarkand express поезди лойиҳаси учун 25 млн доллар инвестиция киритиляпти
20:48 / 12.07.2025