Италия бош вазирининг Ўзбекистонга ташрифи якунланди

Президент Шавкат Мирзиёев ва Италия бош вазири Жоржа Мелони Самарқанддаги Конгресс маркази хиёбонида биргаликда эман дарахтини экди.

Таъкидланишича, маросим икки мамлакат халқларининг дўстлиги, Ўзбекистон-Италия стратегик шериклик муносабатларини янада ривожлантириш ва мустаҳкамлашга бўлган қатъий интилишининг рамзи бўлди.

Олий мартабали меҳмон юртимизга ташрифни Самарқанднинг тарихий обидаларини томоша қилиш билан давом эттирди.

Шундан сўнг, Жоржа Мелонининг Ўзбекистонга икки кунлик расмий ташрифи якунланди.

Самарқанд халқаро аэропортида олий мартабали меҳмонни Ўзбекистон ташқи ишлар вазири Бахтиёр Саидов ва бошқа расмийлар кузатиб қўйди.

Шавкат Мирзиёев ҳам Самарқандга сафарини якунлаб, Тошкентга қайтди.