Қўшимча функционаллар
-
Тунги кўриниш
Эрон Трампнинг сўзларидан кейин АҚШга норозилик нотаси юборди
АҚШ позицияси халқаро ҳуқуқнинг асосий тамойиллари ва нормаларига зид ва БМТ Низомини бузади, дейилади нотада.
Фото: Reuters
Эрон Ташқи ишлар вазирлиги АҚШ президенти Доналд Трампнинг сўзлари юзасидан АҚШ вакили бўлган Швейцариянинг Теҳрондаги элчиси Надин Оливери Лосанога норозилик билдирди, деб ёзди Mehr.
Теҳрон Трампнинг сўзларини провокацион ва таҳдидли деб атади.
«АҚШ позицияси халқаро ҳуқуқнинг асосий тамойиллари ва нормаларига зид ва БМТ Низомини бузади. Шунингдек, АҚШ ҳукуматининг Исроилнинг Эронга қарши ҳужумларида давом этаётган ҳамкорлиги ва шериклигининг яққол белгисидир», дейилади хабарда. Лосано зудлик билан нотани Вашингтонга етказиши керак.
Аввалроқ, 18 июн куни Трамп Эронга «сўнгги ултиматум» эълон қилган эди. Президент, шунингдек, Теҳроннинг «сўзсиз таслим бўлиши» кераклиги ҳақидаги талабини ҳам эслатди. Аввалроқ Америка етакчиси Эрон ҳаво ҳудудини тўлиқ назорат қилишини ва Қўшма Штатлар Эрон олий раҳбари Али Хоминаий қаерда «яширинаётганини» билишини маълум қилганди.
Американинг Эрон ядровий иншоотларига зарба бериш эҳтимоли ҳақидаги саволга Трамп: «Мен буни қила оламан ёки қилмаслигим ҳам мумкин», деди.
1980 йилда Теҳрондаги Америка элчихонасида одамлар гаровга олинганидан сўнг, Қўшма Штатлар Эрон билан дипломатик алоқаларни узган. Шундан сўнг, Швейцария элчиси Теҳрондаги Америка манфаатлари вакилига айланди.
Уйғонган шер операцияси
Мавзуга оид
10:54
Германия ТИВ раҳбари ва унинг ҳамкасблари Эрон ТИВ раҳбари билан учрашувни режалаштиряпти
00:36
Эрон Исроилга қарата янги турдаги баллистик ракетани учирди
23:26 / 18.06.2025
ХАЭА раҳбари Эрон ядро қуроли ишлаб чиқараётганига ҳеч қандай далил йўқлигини айтди
22:21 / 18.06.2025