Исроил Ғазодаги тиббий марказга ҳаво ҳужуми уюштирди

Ҳужум оқибатида 6 фаластинлик ҳалок бўлди, 15 киши яраланган.

Фото: WAFA

Исроилнинг Ғазо секторидаги тиббиёт марказига берган зарбаси оқибатида олти фаластинлик, жумладан, бир бола ҳалок бўлди, деб хабар бермоқда Фаластиннинг WAFA расмий ахборот агентлиги.

Агентлик маълумотларига кўра, зарба Ғазо марказидаги Ал-Ваҳда кўчасида жойлашган «Ар-Римал» клиникасига қарата берилган. Ҳужум натижасида 15 киши турли даражада тан жароҳати олди.

Тинч аҳоли қурбон бўлишда давом этаётган можаро фонида Исроил эксклавнинг турли ҳудудларига ҳаво ҳужумларини давом эттирмоқда.

#Исроил #Ғазо #сионизм

2023 йил 7 октябр куни Ғазо бўлгасидаги Ҳамас кучлари Исроилга ёппасига ракета зарбалари бериб, чегарадаги аҳоли пунктларини эгаллай бошлади. Бунга жавобан Исроил қўшинлари Ғазо бўлгасига бостириб кирди. Бу сафарги эскалация аввал кузатилмаган даражада кўп қурбонларга олиб келди.