«Real» vakili Xitoy chempionatiga o‘tishga yaqin turibdi

Madridning «Real» klubi himoyachisi Pepe qishda Xitoyga ko‘chib o‘tishi mumkin, deb xabar beradi Tribuna.uz. Ma'lumotlarga ko‘ra, 33 yoshli futbolchi o‘zining amaldagi jamoasi bilan shartnoma uzaytirish yuzasidan muzokaralar olib bormoqda. U joriy mavsum yakuniga qadar mo‘ljallangan. Manbaning ta'kidlashicha, Pepega Xitoy klublari taklif bilan chiqishgan.

Futbolchi Ispaniya chempionatining joriy mavsumida 8 uchrashuv o‘tkazib, bitta to‘p kiritdi.

Avvalroq, Xitoy futbol federatsiyasi mamlakat chempionatidagi legionerlarga cheklov o‘rnatish taklifi bilan chiqqandi.