Ukraina Azov dengizidagi flotni eng katta qo‘riqlash kemasi bilan kuchaytirdi

Foto: Ukraina Davlat chegara xizmati
Ukraina Davlat chegara xizmatining Mariupol dengizni qo‘riqlash otryadiga qarashli BG-32 «Donbass» qo‘riqlash kemasi Azov dengizi suvlariga qaytdi. Bu haqda «112 Ukraina» mahkama vakillariga asosan xabar bermoqda.
Xabar qilinishicha, kemani ta'mirlash va modernizatsiya qilish ishlarini tegishli tenderda g‘olib chiqqan Azov kemasozlik zavodi amalga oshirdi. Shundan so‘ng, mutaxassislar qisqa muddat ichida kemani tekshiruvdan o‘tkazishdi va alohida tizimlar hamda mexanizmlarni ta'mirlashdi, korpusni bo‘yashdi va yoqilg‘i hamda ballast sisternalarga xizmat ko‘rsatishdi.
Tegishli ishlar tugallangandan so‘ng, kema suvga tushirildi va sinovlardan o‘tkazildi.
Eslatib o‘tamiz, avvalroq Rossiya Azov dengizida Ukraina va NATO mashqlariga rozilik bermasligi xabar qilingandi.
Rossiya tashqi ishlar vaziri Sergey Lavrov so‘zlariga ko‘ra, Ukrainaning Azov dengizida NATO mashqlarini o‘tkazish bo‘yicha rejalari amalga oshishi dargumon.
Mavzuga oid

11:57
Rossiyada havo qatnovidagi kollaps 60 ming kishiga ta’sir qildi

11:41
Mers AQShning Ukrainada Rossiya urushini tugatishdagi asosiy rolini ta’kidladi

10:09
Vens Rossiya va Ukrainani to‘g‘ridan to‘g‘ri muzokaralar o‘tkazishga chaqirdi

21:05 / 07.05.2025