Pokiston harbiylari Kashmirda hind qo‘shinlari joylashgan hududni o‘qqa tutdi

Hindiston armiyasining oldingi pozitsiyalari minomyot va o‘qotar qurollardan o‘qqa tutilgan.

Pokiston harbiylari Kashmirda o‘t ochishni to‘xtatish to‘g‘risidagi kelishuvni buzdi va nazorat chegarasidagi Naugan rayonida joylashgan hind qo‘shinlari pozitsiyasini o‘qqa tutdi. Bu haqda PTI agentligi xabar berdi.

"Seshanba kuni Hindiston armiyasining oldingi pozitsiyalari Pokiston nazorati ostidagi Kashmir hududi tarafdan o‘qqa tutildi. Minomyot va o‘qotar qurollardan o‘t ochildi", - dedi Hindiston qurolli kuchlari shimoliy qo‘mondonligi vakillari.

Hindiston tomonidan javob qaytarilgan. Har ikki tomondan yo‘qotishlar to‘g‘risida ma'lumot berilmagan.

Qayd etilishicha, joriy yilda Pokiston armiyasi joriy yilda Kashmirda o‘t ochishni to‘xtatish rejimini 1400 martadan ortiq buzgan.

#Hindiston #Pokiston #Kashmir