Qoʻshimcha funksionallar
-
Tungi ko‘rinish
Eron Trampni general Sulaymoniyning o‘limida asosiy aybdor deb hisoblamoqda
Avvalroq Eron inson huquqlari bo‘yicha kengash rahbari Ali Bag‘iriy Qaniy mamlakat hukumati Sulaymoniyning o‘ldirilishiga aloqador 48 kishining shaxsini aniqlashga muvaffaq bo‘lganini ma'lum qilgandi.
Foto: EPA
Eron AQSh prezidenti Donald Trampni Islom inqilobi muhofizlari korpusining «Al-Quds» maxsus bo‘linmasi qo‘mondoni, general Qosim Sulaymoniyning o‘limida "birinchi raqamli" aybdor deb hisoblaydi. Bu haqda Eron sud hokimiyati rahbari Ibrohim Raisiyga tayanib Fars agentligi xabar berdi.
"Tramp – shahid Sulaymoniyning o‘limiga javobgar bo‘lgan birinchi raqamli jinoyatchi", dedi Raisiy.
Uning so‘zlariga ko‘ra, AQShning yuqori darajadagi arboblari mazkur jinoyat bo‘yicha tergovdan qochib qutula olishmaydi va "shahid Sulaymoniyning o‘limi uchun javob berishlari shart". Raisiyning qo‘shimcha qilishicha, Eron bu ishni o‘rganish uchun tegishli mexanizmlarni ishga soldi va yetarlicha dalillarga ega.
Dushanba kuni Eron inson huquqlari bo‘yicha kengash rahbari Ali Bag‘iriy Qaniy mamlakat hukumati Sulaymoniyning o‘ldirilishiga aloqador 48 kishining shaxsini aniqlashga muvaffaq bo‘lgani va ularni javobgarlikka tortish bo‘yicha choralar ko‘rilgani haqida ma'lum qilgandi.
Qosim Sulaymoniy shu yil 3 yanvarda Bag‘dod aeroporti yaqinida AQSh droni zarbasi natijasida o‘ldirilgandi. U bilan birga 4 nafar eronlik harbiy va Iroq armiyasining 5 vakili halok bo‘lgan.
Qosim Sulaymoniyning o‘ldirilishi
Mavzuga oid
22:51 / 17.07.2025
Eron prezidenti avtomobili o‘chib qolganidan keyin taksi chaqirishga majbur bo‘ldi
08:04 / 16.07.2025
Baxtiyor Saidov Xitoyda Eron tashqi ishlar vaziri bilan uchrashdi
09:45 / 15.07.2025
Rossiya Axios'ning Putinning Eron bo‘yicha pozitsiyasi haqidagi ma’lumotini rad etdi
22:28 / 13.07.2025