AQSh elchixonasi amerikaliklarni Afg‘onistonni tark etishga chaqirdi

AQShning Kobuldagi elchixonasi Afg‘onistondagi amerikaliklarni mamlakatni tark etishga chaqirdi. Bu haqda diplomatik missiya saytida xabar qilindi.

«Elchixona amerikaliklarga jinoyatchilik, terrorizm darajasi yuqoriligi sababli Afg‘onistonga kelish xavfli ekanligini eslatadi, mamlakatda bo‘lib turganlarni esa uni tark etish masalasini ko‘rib chiqishga chaqiradi», — deyiladi elchixona xabarida.

AQSh va NATO qo‘shinlarining Afg‘onistonni tark etishi fonida «Tolibon» harakati jangarilari hujumlarni kuchaytirdi.

Reuters agentligining xabar berishicha, 6 avgust kuni jangarilar Nimro‘z viloyatining poytaxti Saranj shahriga kirgan.