Qoʻshimcha funksionallar
-
Tungi ko‘rinish
Rossiyalik targ‘ibotchi Krasovskiy «Moskva-Toshkent» reysidan chetlatildi
U yo‘lovchilarni haqorat qilgani uchun samolyotdan tushirib yuborilgan.
Foto: RIA Novosti
Rossiyaning Russia Today telekanali targ‘ibotchisi Anton Krasovskiy yo‘lovchilarni haqorat qilgani uchun «Moskva-Toshkent» reysidan chetlatildi. Bu haqda Baza xabar berdi.
Krasovskiyning o‘zi ham ijtimoiy tarmoqda Aeroflot reysidan birinchi marta chetlashtirilgani haqida xabar berdi.
«Birinchi marta meni Aeroflot reysidan tushirib yuborishdi. La’nat senlarga! Aeroflot o‘lishi kerak», deb yozdi u.
Baza xabariga ko‘ra, Krasovskiy samolyotda parvoz oldidan telefonda baland ovozda suhbatlashgan, boshqa yo‘lovchilar undan sekinroq gaplashishni so‘ragan. Shundan so‘ng, targ‘ibotchi «quyushqondan chiqib ketgan», baqirib, odamlarni haqorat qila boshlagan. Shu sababli u zudlik bilan samolyotdan tushirib yuborilgan.
Manbalarning aytishicha, politsiya Krasovskiy bilan profilaktik suhbat o‘tkazgan va qo‘yib yuborgan.
Avvalroq, Krasovskiy RT kanali efirida ukrainalik bolalarni cho‘ktirish va tiriklay yoqishga chaqirgan edi. Rossiya Tergov qo‘mitasi uning so‘zlarini tekshirib, jinoyat tarkibini topmadi.
Iyul oyida Krasovskiy Ukraina sharqiga safar qilib, taassurotlari haqida yozib, «Vinnitsa yetishmayapti» deb shikoyat qilgan edi. Bir kun oldin Ukrainaning Vinnitsa shahri rus harbiylari tomonidan o‘qqa tutilgan va o‘nlab odamlar halok bo‘lgan edi.
Mavzuga oid
21:02
Qirg‘izistonda askarlikka yollashda ayblangan “Rus uyi” xodimi hibsdan qo‘yib yuborildi
17:19
Reuters: Razvedka Trampga Kursk oblastidagi ukrainalik harbiylar qurshovda emasligini ma’lum qilgan
16:15
Rossiya O‘zbekistonda fuqarolik dronlarini ishlab chiqarishni yo‘lga qo‘yadi
15:27