Mariupoldagi ishchilar va Baxmut atrofidagi artilleriyachilar. Urush suratlari

Ukrainadagi urushning 540-kuni o‘tdi. Asosiy ma’lumotlar:

2025 yil yoziga qadar Rossiya Shahed tipidagi 6 mingta kamikadze dron ishlab chiqarishni rejalashtirmoqda, deb xabar bergan The Washington Post.
Ukrainada harbiy holat va safarbarlik 15 noyabrga qadar uzaytirildi.
Ukraina milliy gvardiyasi «Azov» polk qayta tiklangani va frontga qaytgani haqida xabar berdi.
FT ma’lumotiga ko‘ra, Rossiya Ukraina aviabazalari, uchish-qo‘nish yo‘laklari va uchuvchilarni tayyorlash markazlari bo‘ylab zarbalar intensivligini oshirgan.
RF mudofaa vazirligiga ko‘ra, 17 avgust kuni kechqurun ukrainlarning dengiz droni Qora dengiz floti kemasiga hujum qilishga uringan, ammo nishonga yetib kela olmagan va yo‘q qilingan.
Putinning Rossiya Markaziy banki rahbariyati bilan shoshilinch ravishda o‘tkazilgan majlisda rubl kursini qo‘llab-quvvatlash maqsadida biznes uchun valuta nazoratini hozircha kuchaytirmaslikka qaror qilindi.

Kun kadri. Xarkiv oblastidagi vayrongarchilik

Rossiya qo‘shinlari Xarkiv oblasti hududlariga havodan muntazam ravishda zarbalar yo‘llab kelmoqda. Xususan, 17 avgust tongida RF armiyasi Kupyansk rayonidagi Zaoskole oraliq temiryo‘l stansiyasini o‘qqa tutdi — oblast harbiy ma’muriyati rahbari Oleg Sinegubovning ma’lumotiga ko‘ra, bir ayol halok bo‘lgan, yana bir ayol jarohat olgan.