Qoʻshimcha funksionallar
-
Tungi ko‘rinish
Rossiya Qambarota GES-1 qurilishida ishtirok etmoqchi
Avvalroq O‘zbekiston, Qirg‘iziston va Qozog‘iston energetika vazirlari Qambarota GES-1 qurilishi loyihasini birgalikda amalga oshirish bo‘yicha yo‘l xaritasini imzolagan edi.
Illyustrativ foto
Rossiya Qirg‘izistondagi Qambarota GES-1 qurilishida ishtirok etmoqchi. Avvalroq, ushbu inshoot Qirg‘iziston, Qozog‘iston va O‘zbekiston ishtirokida qurilishi haqida e’lon qilingan edi.
«Agar gidroqurilish haqida gapiradigan bo‘lsak, Qambarota GES-1 loyihasida ishtirok etishga umid qilamiz», dedi Rossiya energetika vaziri Nikolay Shulginov RIA Novosti agentligiga bergan intervyusida. Uning so‘zlariga ko‘ra, takliflar bor, lekin Rossiya kompaniyalari faolroq bo‘lishi kerak.
Avvalroq Yevroosiyo taraqqiyot banki ham ushbu GES qurilishiga sarmoya kiritish imkoniyatini e’lon qilgan edi.
«Biz hozir Qambarota GES-1 qurilish loyihasini tarkibiy tuzilishda faol ishtirok etmoqchimiz. Stansiya qurilishi mavzusi keng yoritilgan. Endi uni moliyalashtirish uchun to‘g‘ri rasmiylashtirish lozim. Loyiha yirik va butun mintaqa suv-energetika majmuasining ko‘plab muammolarini hal qiladi», dedi bank rahbari Nikolay Podguzov.
2023 yil yanvar oyida O‘zbekiston, Qirg‘iziston va Qozog‘iston energetika vazirlari Qambarota GES-1 qurilishi loyihasini birgalikda amalga oshirish bo‘yicha yo‘l xaritasini imzolagan edi.
GES quvvati 1 ming 860 megavattni, suv ombori hajmi 5,4 milliard kub metrni tashkil qiladi. Stansiya yiliga o‘rtacha 5,6 milliard kilovatt-soat elektr energiyasi ishlab chiqaradi. Loyihani 2025 yil oxirigacha yakunlash rejalashtirilgan.
Mavzuga oid
21:01
Tramp Rossiyaga Ukraina bilan kelishuvga erishish uchun 50 kun muhlat bermoqchi
20:19
Rossiya sudi yozuvchi Boris Akuninni sirtdan 14 yillik qamoqqa hukm qildi
19:03
Putin Trampga Rossiya yaqin orada Ukrainadagi hujumlarini kuchaytirishini aytdi – OAV
18:16