Qoʻshimcha funksionallar
-
Tungi ko‘rinish
O‘zbekiston oltin ishlab chiqaruvchi davlatlarning yetakchi o‘ntaligiga kirdi
Jahon oltin kengashi ma’lumotlariga ko‘ra, o‘tgan yili O‘zbekistonda 119,6 tonna oltin ishlab chiqarilgan.
Foto: ngmk.uz
2023 yil yakunlariga ko‘ra, O‘zbekiston dunyodagi eng yirik oltin ishlab chiqaruvchilar orasida o‘ninchi o‘rinni egalladi. Bu haqda World Gold Council ma’lumotlariga tayanib, TASS yozdi.
Qayd qilinishicha, 12 oy davomida O‘zbekistonda 119,6 tonna qimmatbaho metall ishlab chiqarildi.
Eng ko‘p oltin ishlab chiqargan mamlakat Xitoy bo‘ldi - 378,2 tonna. Ikkinchi o‘rinda - Rossiya (321,8 tonna), uchinchi o‘rinda - Avstraliya (293,8 tonna).
Oltin ishlab chiqaruvchilarning yetakchi o‘ntaligiga Kanada (191,9 tonna), AQSh (166,7 tonna), Gana (135,1 tonna), Indoneziya (132,5 tonna), Peru (128,8 tonna) va Meksika (126,6 tonna) ham kirdi.
Bundan tashqari, o‘tgan yil natijalariga ko‘ra, Shveytsariya oltin va uning hosilalari eksporti bo‘yicha birinchi bo‘ldi. Qimmatbaho metallni xorijda sotishdan bu mamlakat 107,2 milliard dollar daromad oldi. Ikkinchi o‘rinda - Buyuk Britaniya (65,3 milliard dollar), uchinchi o‘rinda - Xitoy (44,4 milliard dollar).
Mavzuga oid
09:02
“Yangi loyihalarda Eron va Rossiyaning ishtiroki kamayib, turkiylarning ahamiyati ortib boryapti” – siyosatshunos
21:19 / 26.07.2025
Rossiyaning yagona aviatashuvchisi «Admiral Kuznetsov» konservatsiya qilinadi
21:14 / 26.07.2025
Ozarboyjon Rossiyadan AZAL samolyoti halokati uchun javobgarlikni tan olishni talab qildi
18:40 / 26.07.2025