Қўшимча функционаллар
-
Тунги кўриниш
Шавкат Мирзиёев ва Владимир Путин Ўзбекистондаги биринчи АЭС қурилишига старт беради
Фото: Росатом
Россия президенти шу ҳафта Ўзбекистонга давлат ташрифи билан келади. Музокаралар якуни бўйича муҳим ҳужжатлар тўплами имзоланади ва АЭС қурилишига старт берилади.
«Умид қиламанки, Тошкентга давлат ташрифи чоғида бизда президент Шавкат Мирзиёев билан батафсил музокаралар бўлиб ўтади. Уларнинг якунларига кўра, қўшма ҳукуматлараро ва тижорий ҳужжатларнинг салмоқли тўплами имзоланади», - деди Владимир Путин хорижий мамлакатлар элчиларидан ишонч ёрлиқларини қабул қилиб олиш маросимида. У ерда Ўзбекистоннинг элчиси ҳам бўлган.
Путиннинг сўзларига кўра, у Ўзбекистон раҳбари билан биргаликда «Росатом» томонидан Ўзбекистондаги биринчи АЭС қурилишига старт беради.
РФ президентининг Ўзбекистонга ташрифи 18-19 октябрь кунлари амалга оширилади.
Бундан аввалроқ Ўзбекистон ва Россия ҳамкорлигидаги атом электр станцияси (АЭС) Навоий ва Бухоро вилоятлари чегарасида жойлашган Тўдакўл сув омбори яқинида қурилиши маълум қилинганди.
Аввалроқ, Россия президенти Владимир Путиннинг Ўзбекистонга ташрифи чоғида 20 миллиард долларлик ҳужжатлар тўплами имзоланиши режалаштирилгани хабар берилганди.
Ўзбекистонда биринчи АЭС қурилиши
Мавзуга оид
08:01
Путин Россияга Украинада ядро қуролидан фойдаланишга «зарурат бўлмаслиги»га умид билдирди
20:13 / 04.05.2025
Путин ўзига ворис тайёрлаётганини айтди
15:07 / 03.05.2025
Шавкат Мирзиёв ва Владимир Путин телефон орқали мулоқот қилди
12:59 / 03.05.2025