Қорақалпоғистонда «Nexia» зовурга тушиб кетди. Ҳайдовчи воқеа жойида ҳалок бўлган

2021 йилнинг 5 июнь куни Қорақалпоғистон Республикаси Амударё туманида «Nexia» машинаси ҳайдовчи бошқарувни йўқотиши оқибатида зовурга тушиб кетган. Бу ҳақда Қорақалпоғистон Республикаси ИИВ ЙҲХБ ахборот хизмати хабар берди.

Маълум қилинишича, Амударё тумани ҳудудидан ўтган 4Р-181 A-380 автомобиль йўлида 39 ёшли К.Ж. «Nexia» автомобилида ҳаракатланиб келаётиб, бошқарувни йўқотган. Оқибатда машина йўлнинг чап тарафидаги зовурга тушиб кетган. 

Кўп сув ютиш оқибатида ҳайдовчи машинадан чиқолмай, воқеа жойида ҳалок бўлган. 

ЙТҲ содир бўлган автомобиль йўлида йўл чизиқлари мавжуд эмаслиги аниқланган. Ҳозирда ҳолат юзасидан суруштирув ҳаракатлари олиб борилмоқда.