Қўшимча функционаллар
-
Тунги кўриниш
АҚШ Марказий Осиёда ҳарбий базалар ташкил этиш ниятида эмас – Афғонистон президенти маслаҳатчиси
Ҳамдулла Муҳибнинг сўзларига кўра, Кобул Марказий Осиё мамлакатларининг техник қўллаб-қувватловидан манфаатдор.

Фото: AP
Вашингтон Кобул билан мулоқотларда Марказий Осиё мамлакатларида ҳарбий базалар ташкил этиш ниятида эмаслигини билдирган. Бу ҳақда Афғонистон президентининг миллий хавфсизлик бўйича маслаҳатчиси Ҳамдулла Муҳиб РИА Новостига берган интервьюсида айтди.
«Билишимча, бу ҳақда гап кетмаяпти. ОАВ нотўғри хабарлар берган деб ўйлайман. Америка томони билан мулоқотимизга кўра, улар ҳеч қаерда ҳарбий база ташкил этиш йўлларини қидирмаяпти», – деди Муҳиб.
Унинг қўшимча қилишича, агарда АҚШ бу борада музокаралар олиб бораётган бўлса, унга бу ҳақда ҳеч нарса маълум эмас.
Ҳамдулла Муҳибнинг сўзларига кўра, Кобул Марказий Осиё мамлакатларининг техник қўллаб-қувватловидан манфаатдор.
«Биз минтақа мамлакатларидан техник қўллаб-қувватловни кутмоқдамиз. Масалан, бизда Россияда ишлаб чиқарилган Ми-17 вертолётлари бор ва биз уларни таъмирлаш имкониятларини излаяпмиз. Бу борада Марказий Осиё мамлакатларини кўриб чиқмоқдамиз, чунки улар ҳам бу вертолётлардан фойдаланади ва Афғонистон билан умумий чегарага эга», – деди Муҳиб.
Аввалроқ АҚШ Марказий Осиёда ҳарбий база қуриши ҳақида хабарлар тарқалганди.
Мавзуга оид

16:30 / 02.08.2025
Трамп маъмурияти Озарбойжон ва Марказий Осиёни «Иброҳим келишувлари»га қўшмоқчи. Ўзбекистон ТИВ изоҳ берди

11:40 / 24.07.2025
Ўлимлар, иқтисодий йўқотиш ва катта харажатлар – аномал об-ҳаво Марказий Осиёга жиддий хавф солмоқда

07:51 / 21.07.2025
Германиядан бир йил ичида иккинчи депортация рейси Кобулга учиб кетди

18:41 / 18.07.2025