Қўшимча функционаллар
-
Тунги кўриниш
АҚШ Тожикистонга 1,5 миллион доза Moderna вакцинаси етказиб берди
Фото: Getty Images
26 июлга ўтар кечаси Душанбе халқаро аэропортига АҚШдан Turkish Airlines авиакомпаниясининг махсус рейси билан 1,5 миллион доза Moderna вакцинаси етказилди. Бу ҳақда Тожикистон соғлиқни сақлаш ва ижтимоий муҳофаза қилиш вазирлиги маълум қилди.
Ўтган ҳафта АҚШ давлат департаменти матбуот котиби ўринбосари Жалина Портер брифинг вақтида АҚШ 23та давлатга, жумладан, Тожикистонга коронавирусга қарши курашда ёрдам бериш мақсадида 22 млн доза вакцина йўллаганини маълум қилган.
Бу Moderna компанияси вакцинасининг Тожикистонга етказилган биринчи партияси ҳисобланади. 22 июлда Озарбойжон инсонпарварлик ёрдами сифатида Тожикистонга 40 минг доза AstraZeneca вакцинасини жўнатган.
Душанбеда 25 июнда 18 ёшдан катта аҳолини коронавирусга қарши эмлаш бўйича кампания бошланган. Айни вақтда республикада бу мақсадда AstraZeneca вакцинасининг ҳиндча муқобили ҳамда Хитойнинг CoronaVac вакцинаси қўлланмоқда.
3 июлда Тожикистонда 18 ёшдан катта фуқаролар мажбурий эмланиши эълон қилинган.
Мавзуга оид
14:45
SCMP: Хитой компаниялари ишлаб чиқаришни АҚШга кўчиришни бошлади
13:41
Шмихал: АҚШ ва Киев аввалги ёрдам учун қарз масаласини ҳал қилди
13:05
Эрон портидаги даҳшатли портлаш, Канадада фожиага айланган фестивал ва Сувайш каналига «кўз олайтираётган» Трамп — кун дайжести
10:37