Ўқишни кўчириш бўйича касбий (ижодий) имтиҳон натижалари эълон қилинди

Талабалар ўқишини хорижий ва нодавлат ОТМдан давлат ОТМга кўчириш бўйича ўтказилган касбий (ижодий) имтиҳон натижалари эълон қилинди. Бу ҳақда Билимни баҳолаш агентлиги хабар берди.

ОТМ томонидан тақдим этилган касбий (ижодий) имтиҳон натижалари тест синови натижалари билан бирга ҳисобланиб, my.uzbmb.uz ва mandat.uzbmb.uz сайтларига жойлаштирилди.

Олий таълим муассасалари томонидан ўтказилган касбий (ижодий) имтиҳонларда иштирок этган талабгорлар ўз натижаларини 3 хил усулда билишлари мумкин:

– my.uzbmb.uz сайтининг “Ўқишни кўчириш (хориждан) Натижани олиш”бўлимидан паспорт серияси ва рақами ҳамда шахсий идентификация рақамини киритган ҳолда;

– mandat.uzbmb.uz сайтининг “Ўқишни кўчириш-2023” бўлими орқали талабгорнинг ID рақамини киритган ҳолда;

– Билимни баҳолаш агентлигининг қуйидаги Telegram ботларига талабгорнинг ID рақамини юборган ҳолда (“Ўқишни кўчириш 2023” бўлимидан):

@e_dtm_mandatbot

@e_dtm_mandat1bot

@e_dtm_mandat2bot

@e_dtm_mandat3bot

 @e_dtm_mandat4bot.