Тошкентда тўртта машина иштирокида ЙТҲ содир бўлди

Мустақиллик—Оққўрғон кўчалари кесишган чорраҳада 3 та Cobalt ва Onix тўқнашди. Onix ҳайдовчисига тез тиббий ёрдам ходимлари томонидан биринчи ёрдам кўрсатилган.

Тошкент шаҳар Мирзо Улуғбек тумани, Мустақиллик—Оққўрғон кўчалари кесишган чорраҳада 31 январ куни соат 23:20 ларда ЙТҲ содир бўлди.

Тошкент шаҳар ИИББ ЙҲХБ хабар беришича, 1994 йилда туғилган А.Т. бошқарувидаги Cobalt, 2001 йилда туғилган З.Ш. бошқарувидаги Cobalt, 2001 йилда туғилган Ш.С. бошқарувидаги Onix ва 1979 йилда туғилган К.Б. бошқарувидаги Cobalt автомашиналари ўзаро тўқнашган.

Ҳодиса оқибатида Onix ҳайдовчисига тез тиббий ёрдам ходимлари томонидан биринчи ёрдам кўрсатилган.

Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.

#Тошкент #ЙТҲ