Булоқбошида сув тошқини юзага келди

8 май куни Андижон вилояти Булоқбоши тумани Сарвонтепа маҳалласи ҳудудидан оқиб ўтувчи Жанубий Фарғона канали қирғоқларининг бирига шикаст етган.

Ҳодиса оқибатида канал суви тошиб, атрофдаги кўчаларни сув босган.

Kun.uz манбаси хабар беришича, Булоқбоши туманининг каналга туташ ҳудудлари аҳолиси эвакуация қилинмоқда.

Ушбу маълумот олиниши билан вилоят Норин-Қорадарё Ирригация тизимлари бошқармаси томонидан сув буткул тўхтатилган. 

Ҳозирда вилоят ҳокими бошчилигидаги мутасадди ташкилотлар иштирокида ишчи гуруҳ ташкил қилиниб, ҳолат бартараф этилмоқда. Барча керакли техника воситалари жалб қилиниб, жараён назоратга олинди.

Туман ҳокими Kun.uz га изоҳ беришича, ҳодиса оқибатларини бартараф этиш учун 40га яқин техника жалб қилинган. Сув сизиб чиқишини тўхтатиш ишлари давом этмоқда.