Сергелида скутер ҳайдовчиси ҳалок бўлди

Сергели тумани Мирзо Турсунзода-Меҳригиё кўчалари чорраҳасида "Дамас" ва скутер тўқнашиши оқибатида йўл-транспорт ҳодисаси содир бўлган.

Жорий йилнинг 2 июн куни соат 23:50 ларда Сергели тумани Мирзо Турсунзода-Меҳригиё кўчалари чорраҳасида йўл-транспорт ҳодисаси рўй берди.

Тошкент шаҳар ИИББ ЙҲХБ хабарига кўра, "Дамас" русумли транспорт воситаси ва скутер мототранспорт воситаси тўқнашиши оқибатида йўл-транспорт ҳодисаси содир бўлган.

ЙТҲ натижасида скутер мототранспорт воситасининг ҳайдовчиси воқеа жойида вафот этган.

Мазкур ҳолат юзасидан Тошкент шаҳар ИИББ Тергов бошқармаси томонидан Ўзбекистон Республикаси Жиноят кодексининг 266-моддаси 2-қисми билан жиноят иши қўзғатилиб, дастлабки тергов ҳаракатлари олиб борилмоқда.

#скутер #ЙТҲ