Исроилдаги ўзбекистонликларга заруриятсиз кўнгилочар жойларга бормаслик тавсия қилинди

Ўзбекистоннинг Исроилдаги элчихонаси ушбу мамлакатда яшаётган ўзбекистонликларга мурожаат қилди.

Мамлакатда мураккаб вазият вужудга келаётганини эътиборга олиб фуқароларга ўзининг шахсий хавфсизлик чораларини кўриши ва ракета отишмалари пайтида бошпаналарни тарк этмаслик тавсия этилди.

Заруриятсиз кўчага ва бошқа кўнгилочар жойларга бормаслик қўшимча қилинган.

Элчихонага ўта зарур бўлмаган ҳолларда консуллик хизматларини олиш учун келишни вақтинча тўхтатиб туриш ҳам сўралган.

Элчихона консуллик бўлими ишонч телефонлари: 03-672-2466, 03-672-2371, 03-758-5075, 03-758-5076.

Фавқулодда ҳолатларда ва шошилинч хабарлар учун: +972 54 485 1397.

#Исроил #Элчихона