6 ойда экспорт қилинган меваларнинг қиймати маълум қилинди

АОКАда ўтказилган брифингда Агросаноатни ривожлантириш агентлиги жорий йилнинг ўтган даврида Ўзбекистоннинг мева экспорт йўналишида эришилган натижалар тўғрисида маълумот берди.

Ҳар йили республикада 3,4 млн тонна мева ва 1,9 млн тонна узум етиштирилади, 2024 йилда 2,3 млрд долларлик мева-сабзавот ва озиқ-овқат маҳсулотлари (шундан, 1,5 млрд долларлик мева-сабзавот) экспорт қилинди.

Жорий йил январ-июн ойларида мева экспортёрлари томонидан жами экспорт қилинган мева экспортининг 11 фоизи 96,8 млн долларлик гилос (42,1 минг тонна), 3,6 фоизи 6,7 млн долларлик олма (13,3 минг тонна), 3,9 фоизи 10 млн долларлик олхўри (14,6 минг тонна), 15 фоизи 41 млн долларлик ўрик (54,1 минг тонна) ташкил этади.

2025 йилда жами бўлиб, 10 та агрологистика маркази ишга туширилиши белгиланган бўлиб, бугунги кунда 4 таси фойдаланишга топширилди. Жумладан, Сурхондарё, Навоий Самарқанд ва Фарғона вилоятларида 1 та дан агрологистика марказлари ишга туширилди.