Америка визасини олиш нафақат қийин, энди қиммат ҳам

Президент Трамп имзолаган янги қонунга биноан виза учун тўлов тури ўзгаради. Консуллик орқали ноиммиграцион виза учун ҳужжатларни топширганда олинадиган 185 долларлик тўловга қўшимча равишда виза яхлитлиги тўлови жорий қилинмоқда. Унинг миқдори 250 доллар, Ўзбекистондаги АҚШ элчихонаси ушбу янгиликни тасдиқлади.

{Yii::t(}

Ўтказиб юбориш 6s

Ўтказиб юбориш

Гап шундаки, шу йилнинг 4 июл куни президент Трамп Сенатда энг кўп муҳокамаларга сабаб бўлган “One big beautiful bill act” – “ Чиройли бир катта қонун”ни имзолади. Давлат департаменти имкон қадар қисқа вақт ичида қонуннинг бажарилиши ҳақида баёнот бериши керак.

Ўзбекистондаги АҚШ элчихонаси тасдиғига кўра, Конгресс маъмуриятнинг иммиграция қонунчилигини кучайтириш, виза муддатини узайтиришнинг олдини олиш ва чегара хавфсизлигини молиялаштириш учун “Чиройли бир катта қонун” доирасида виза яхлитлиги тўловини қабул қилган.

Унда ёзилишича, виза яхлитлиги тўлови 250 АҚШ долларини ташкил қилади. Бу консуллик ноиммиграцион визалар учун оладидан 185 долларга қўшиб тўланадиган миқдор. Тўлов миқдори ички хавфсизлик департаменти котиби қарори билан ўзгартирилиши, янгитдан белгиланиб бориши мумкин. Ҳужжатга кўра, ушбу ўзгариш ноиммиграцион виза турлари учун белгиланмоқда. Лекин миграцион визалар учун тўлов миқдори ўзгариш-ўзгармаслиги борасида бирор маълумот йўқ.

Эслатиб ўтамиз, АҚШнинг Ўзбекистондаги элчиси Жонатан Ҳеник Ўзбекистондан виза учун сўров ҳар қачонгидан-да кўпайганини айтганди. Давлат иқтисодиёти ривожланиб, халқ моддий аҳволи яхшилангани сари виза олиш ҳам осонлашиб боради, лекин вақт керак, дейди элчи. Виза ишлари билан шуғулланувчи мутахассисларга кўра, Трамп администрацияси даврида виза олиш ҳаддан ташқари қийинлашган. Ҳужжатларини жуда соф ва мукаммал йиғганларга ҳам сабабсиз рад жавоблари берилмоқда. Трамп эса америкаликларга мигрантларни қувиш, энг катта депортацияни ваъда қилганини ҳам унутмаслик керак.