Norvegiya Rossiya bilan chegarada to‘siq qurmoqchi

Norvegiya noqonuniy muhojirlarning oqimini to‘xtatish uchun Rossiya bilan chegarada to‘siq qurmoqchi. Bu haqda Reuters axborot agentligi xabar bermoqda. 

Balandligi 3,5 metrlik va uzunligi 200 metrlik panjara ikki davlat o‘rtasida yagona o‘tkazish punkti "Borisoglebsk — Sturskug" yonida qurilmoqchi. To‘siq darvoza bilan jihozlanadi. Panjaralar qurilishi yaqin haftalarda, sovuq tushguncha tugatilishi kerak.

Rossiya bilan chegarada to‘siq qurish qarori bir qator norvegiyalik siyosatchilar va jamoat arboblarining salbiy munosabatiga sabab bo‘ldi. Ularning fikricha, bu sovuq urushning aks sadosi bo‘ladi. Bundan tashqari, ushbu qadam taqibdan qochayotganlarga Norvegiyaga kirishga xalaqit beradi. "To‘siqqa ehtiyoj ko‘rmayapman. Yevropada hozir umuman ko‘p to‘siqlar o‘rnatilmoqda", deb aytdi chegara o‘tkazish punkti joylashgan Syor-Varanger kommunasi rahbari Rune Rafaelsen.

Chegarada to‘siq barpo etish g‘oyasi birinchi marotaba 2016 yil aprelda bildirilgandi. Norvegiya hukumatida Rossiya bundan xabardor qilingani va u tomondan bunga e'tiroz bildirilmagani aytilgan.