Xitoyda kon o‘pirilishi oqibatida 9 kishi halok bo‘ldi

Xitoy shimolida ko‘mir konining o‘pirilishi oqibatida 9 konchi halok bo‘ldi, deb xabar bermoqda "Sinxua" axborot agentligi. 
     
Ta'kidlanishicha, fojia Shansi viloyatining Shochjou shahridagi konda profilaktika ishlari o‘tkazilayotganda yuz bergan.

Axborot agentligi ma'lumotlariga ko‘ra, bir kishi qutqarib qolingan. Ayni vaqtda u shifoxonaga yetkazilgan, uning ahvoli barqaror deya baholangan.  

O‘tgan yil noyabrda ham Xitoyda ko‘mir o‘pirilishi oqibatida 33 konchi halok bo‘lgandi.