Smartfonni atiga 20 daqiqada quvvatlantirib beruvchi texnologiya taqdim etildi

Meizu kompaniyasi bayonotiga ko‘ra, Barselonada bugun taqdim etilgan mCharge 4.0 texnologiyasi dunyodagi eng xavfsiz hamda tez qurilma sanaladi.

Kompaniya Mobile World Congress 2017 ko‘rgazmasida yangi texnologiya imkoniyatlarini namoyish etdi. Akkumulyator batareya kuchi 3000 mAs.ga teng smartfon 10 daqiqa ichida 60 foizga quvvatlantirildi. Butunlay esa 18 daqiqayu 45 soniyada to‘liq 100 foizlik quvvatni oldi.

Xavfsizlik yangi data-kabel yordamida ta'minlanib, u 160 Vt.gacha bo‘lgan quvvatni hamda quvvatlash qurilmasining aqlli monitoringgi texnologiyasi ishlatiluvchi Ye Mark chipini qo‘llab quvvatlaydi.

mCharge 4.0 zaryadkasi haroratning keng diapazonida qo‘llanishi mumkin - –40 °S dan +60 °S gacha hamda 10 ming bora ulanishga mo‘ljallangan.